Nachere so mässig erholsame Nacht (es hed nach Gras gstunke) simmer witer gfahre in Yosemite Nationalpark. Wo mer ahcho sind hemmer üs uf d‘Suechi nachemne Campground gmacht. Das esch schwieriger gsi als dänkt, will alli voll gsi sind. Mier hend denn eine gfunde chli usserhalb vom Valley. Er esch eifach aber schön. D‘Raingerin hed üs bim Checkin gwarnt das es zum eine sehr chalt wird (mier sind uf öbbe 2000 m.ü.M.) und dasses Bäre hed, wo scho Touriste bim Burger ässe im Zält gstört hend.🙈🐻
Zum Dusche simmer denn nomol is Valley gfahre und nachher hemmer üs gmüetlich Znacht koched. Mier hend do nomol 1h meh Zytverschiebig, drum esch es au scho vorem 8i dunkel.🙈 Ih de chälti und im dunke dusse sie esch eher ungemütlich, drum simmer scho früeh is Zält nochli go läse.😊