Die letscht Nacht im Zält esch so mässig gsi. Ich ha ned so guet gschlafe und am Morge mega gfrohre. Bim Zmorge hani ahgha es T-Shirt en Pulli, en dicke Pulli und d‘Daunenjacke, sowie Leggins und Kuschelhose.🙈😅

Nachdem mier alles verstaut hend, simmer losgfahre richtig San Francisco. D‘Fahrt esch guet gange. Au s‘fahre ih de Städt klapped bis jetzt super.😊 S‘Meiste ah Spure esch hüt glaub so um die 6 gsi.😅 Wo mer ahcho sind, hemmer leider noned grad chönne ihchecke und sind zersch go Z‘Mittag ässe.😊🙈

Pünktlich uf die 15:00 Uhr simmer zum Hotel. Nachem Campe und dem viel Rauch und Dräck hemmer üs sehr ufs Dusche und vorallem Haarwäsche gfreut.🙈 Mini Hose sind nach 3 Wuche Koffer chli zerknittert gsi, aber zum Glück hets es Gletteisen gha.😉😂

Zum Znacht simmer en to go Pizza go hole und hend die am Meer gässe.😋😊

Für de Sunneuntergang simmer zu de Golden Gate Bridge.☺️🌅