Am Morge simmer bezyte ufgstande und go Cable Car fahre. Das hed üs sehr guet gfalle.😊 Esch schono es lustigs Gfühl gsi so dete z‘stoh und zfahre.😅

Bide Fishermans Wharf simmer usgstiege und in Starbucks gange. D‘Nadine hed es Kaffee gno und ich en Matcha. Das esch de Nadine ihre Blick gsi nachedem sie vo mim Matcha probiert hed (Es hed ihre ned so gschmöckt).😂😂

Zum wieder is Zentrum z‘cho, simmer uf de Hop on hop off Bus, will üses Ticket no gültig gsi esch.☺️

Mier sind denn chli dur d‘Fuessgängerzone flaniert.

Witer esch es denn mitem Hop on hop off Bus zu The painted Ladies.☺️

Zum Znacht hemmer denn wieder bi To good to go öbis usem China Town gholt. Es esch chli viel gsi und eis Menü hed ned so fein usgseh. Das hemmer denn im ne Obdachlose gschänkt.☺️