Am Morge hemmer wiedermol züglet. Mier sind etz no 2 Nächt in Los Angeles am Beach.☺️ Im nachhinein würed mier dobe blibe. Üse Hotel in Beverly Hills esch rächt tür gsi und hed au einges bote. Das am Beach esch aber no türer und bietet viel weniger. Es esch meh es Motel.🙃

S‘Hotel lid im Stadtteil Santa Monica. Vo det us simmer denn an Venice Beach glaufe am Strand nache und wieder zrugg.

Es hed ganz viel chlini Ständ gha. Mal hets schöners und mal weniger schöns Züg gha.😊

Am Abig simmer denn nomol an Strand und hend es To good to go gholt innere Beck. Det hets aber leider kei Znacht dinn gha sondern nur Gebäck.🙈

Drum hemmer denn no en Pizza teilt.☺️

S‘Wetter esch hüt nur so mässig gsi. Es esch sehr bedeckte gsi und d‘Sunne hed sich fasch ned zeigt. De Sunneuntergang esch aber trozdem schön gsi.☺️