Kei Foti aber en churze Text isch uf em Flug entstande…

I sitze do i dem Fluzüüg, wo LX1072 heisst
S Abentüür isch nüme wiit,
i bi parat für e spannendi Ziit
S Läbe i de Schwiiz funktioniert. I weiss wie mer do guet cha sii, vom iichaufe, wohne, freiziit gstalte, schaffe und studiere bis zum stüüre zahle und versicherige abschlüsse.

Etz bini gspannt wie i mir e läbe cha iirichte ame neue Ort
I ha kei angst vorem i fettnäpfli trette & wött eigentli eifach möglichst schnell chli koreanisch rede.

S Abschiedneh isch mer aber nöd mega eifach gfalle, sisch jo nöd so, dass i mini family nie meh gseh oder s kei möglichkeit gäb, au us korea mit ihne in kontakt trette & gliich merki dass sie mensche sind woni gern i minre nöchi ha, woni gern umarm, wo mir so vill liebi entgägebringed, dass i etz scho weiss, dass i sie vermisse wird.

So und spötistens etz kulleret mir di erste Träne übers Gsicht.
Drum höri do uuf und los Adventure vom Russ 🥰