Vor 3 Wuche bini zerst mega krank wurde. Eigentlich hani uf Puerto Viejo welle mit e paar andere Touriste aber da ish nix wurde. Wärend dem Wucheend het‘s mega gstürmt da- so fest, dass es sogar dächer vo Hüüser weg grisse het. Ich bin aber so krank gsi dasi nüt mitbecho ha & eus ish nüt passiert

Woni denn endlich wider gsund gsi bin bini mit em Juan Carlos, en Mitarbeiter vo de Schuel, ines Kaffi go Waffle esse und en endlich würklich guete Kaffi go trinke. Isch en mega liebe, mer hend immer sehr gueti Gspröch

S‘Wucheend druf bini denn mit minere Gastmuetter und de Mari (ufem Bild) is Kino und denn en Gin Tonic go trinke. Die zwei sind so lieb und mer sind langsam sho fast chli wie e Familie. Mer hend‘s mega lustig zäme und i gnüss die Zit mit ihne

No es chlises Highlight vo letzt Wuche: ufem Arbetsweg am Morge hani das härzige schnuggeli gseh. Ich muess ame dur en Park dure laufe und de gfallt mer richtig guet

D‘Moahna het no es hübshes chleid übercho

Und letzte Donnstig bini mit minere Gastmuetter Sonia ane „Tanz“. Es sind nur Grossmüetterlis det gsi aber das ish sehr lustig gsi zwüsche dene umeztanze. Sie het mega freud gha dasi mitcho bin

D‘Privatsphäre in Costa Rica isch generell öppis ganz anders weder ide Schwiiz😂 han en Overall agha und jo… speziell gsi

Am Fritig bini denn an Strand aber s‘Wetter het‘s mer nit eso möge gönne… drum bini denn am Samstig morge au sho wider zrugg hei gfahre

Dihei hani denn das döffe probiere. Es heisst „Tamales“ und ish eigentlich en Maisteig gfüllt mit Poulet, verschidene Gmües oder anderem Fleisch. Das duuret stundelang zum mache und ish typish für Wiehnacht da. Es gseht echli speziell us aber ish meeega fein

Hüt bini denn wider ide Schuel gsi für d‘Tanzklass und denn het mer de Juan Carlos verzellt dass sich letzt nacht es Opossum id Schuel gschliche het & im Chübel gfange gsi isch. Das arme Ding het sooo Angst gha und drum hemmer‘s denn befreit