Hüt laufemer dur d Stadt und gün vorzua a biz go Lädala (De arm Marc mit zwei Fraua, isch abr dr erfolgrichst Shopper mit da meista Ichäuf gsi😅). Gega Mittag nümr din dr Zug uf Bondi Junction. Nochdem miar a rechts Stugg gloffa sin, nümr din glich irgend a Bus. De fahrt üs per Zuafall am Tamara und am Bronte Beach verbei, was vum Bus us au no guat Usgsia hät. Miar stigen ir nöchi vum Bondi Beach us und Essen ufm Wäg zum Strand öpis vum Beck. Dia hiassiga Beckereia chün übrigens nid an üsari ir Schwiz hära noch üserer Meinig. Am Bondi Beach steppt din würgli dr Bär. Tuach an Tuach liggen Tourista und Iheimischi ir pralla Sunna, üs gluschtets nid ubedingt zum in dära Massa go Bada. Miar gnüssen din liabr a übertürta Iskaffi uf dr Ussichtsterassa. Gäga Firobetzit himr din wäla dr Bus für in d Stadt ni. Das ganza isch din ni aso eifach, will dia Büs rächt gstopft gsi sin und a hufa Lüt ar Haltestell gwartet hin. Dr Busfahrer hät au ni immr am glicha Ort ghalta, was din a biz zu Verwirrig bi da einta Lüt gfüart hät. Nochm dritta Bus himrs din ufgi und a Uber bstellt. Währed dem miar uf z Uber gwartet hin, sin a paar Büs au ohni ahalta verbeidüset. Janu, irgendwenn simr din ir Stadt achu und hin no a Koffara poschtet, damit miar dr Stefanie schu as paar Sacha chün mit hai gi. Spötr gümr mit voller Vorfreud zum Sydney Tower Eye. Miar chün in Gnuss vumena kunterbunta Znachtbuffet. Richtig fein isch das gsi. Mit vollna Mäga bruchemer gad no a Obetspaziergang vorm Schlofa und gnüssen dr letschti Obet zdritt.