Drü Wucha sind scho wiedr uma was bedütet, dass hüt dr letscht Tag mir Stefanie isch. Dr Marc und i gönd am Morga früah üses Mietauto go hola, bevormr de dritta zäma zmörgelend. Drnoch heissts ins Auto stiega und richtig Aquapark fahra. Mr hend üs richtig druf gfreut nomol in eina goh zchöna, denn de zDarwin isch eifach so cool gsi. Leidr hämr bi dem chli weniger Glück, er isch au für Chind under 16, wesshalb dr Park de chli chindlich gsi isch. Zudem hets au a hufa Chind ka und zWetter isch au ni gad zbeschta gsi.
Drnoch simr de gmüatlich no as Käffeli go trinka bevors de an Flughafa goht. Aswia scho as komischs Gfühl, d Schwöster wiedr loh heigo loh und miar döfend eifach no länger blieba...

Wiedr nono zweita unterwegs, fahremr no biz usdr Stadt usa, wo de üses Hotel isch.