Hüt machmr üs gmüatlich ufa Zruggweg nach Sydney. Es isch scho fast biz gemein, denn zWetter isch hüt in Huskisson viel besser und Stränd so no viel schöner. Damit miar glich no chli was davo händ, laufmr no chli am Strand entlang und beobachten Delfin dabi, bevor miar de losfahren. Uma Mittag uma machmr de churz vor Sydney a Halt, um imna Park zpicknicka. Drnoch heisst in Sydney im Hotel ichecka, z Auto abgeh und de nomol chli d Stadt gnüssa. Mr gönd nomol richtig Circular Quay ässend döt as lang ersehnts Yogurtglace und spaziarend den gmüatlich zum Darling Harbour und laufend über Pyrmont Bridge. Am Obet bildemr üs de bimna japanischa zNacht kulinarisch witr, wia dr Marc immr so schön seit. Womr de Getränk bechömend schitterets bi miar de scho bim Öffna vo dem Limonadafläschli!😂 Doch zum Glück gits jo no hilfsbereiti Chällnerinna. ZEssa isch u fein, doch es wär einigies eifacher zum Essa hetis statt nu Stäbli au Gabla geh. Dr Marc hets afanga recht im Griff, doch miar tuat dHand scho noch churzer Ziet weh, denn i ha eifach zgummigi Finger.😂DUfstächvarianta gits zum Glück jo auno!😂😂