( Overview
/ Reise C&M 2024
Noch dr ersta Nacht im Dachzelt stoht hüt z "National Road Transport Hall of Fame and Ghan Museum" ufm Programm. Unglaublich wases döt alles gsammlet hin, teilwis schu schier a Autofriedhof. Dia zwei grossa Halla mit vielna Kennworth-Trucks sin natürli a Highlight. Sehr spannend au Gschicht wia dia Marka dr Wäg uf Australia gfunda het. A sehr Intressants Album überna Trucker himr au no gfunda, wo a hufa Trucker-Erläbnis dokumentiert gsi sin. Am Numittag gnüssemer no a feina Kaffi und ruaben no biz us. Am Obet gümer din no mitera Tour dura Alice Springs Desert Park zum Ameisaigel (Echidna), Kaninchennasenbeutler (Bilby), Zottel-Hasenkängurus (Mala), Grosse Häschenratte (Greater stick-nest rat) und Bürstenschwanz-Rattenkängurus (Brush-tailed bettong) beobachta. Sehr a schüni Stimmig bi Vollmond.
Ameisaigel (Echidna)
Dr Ameisaigel und z Schnabeltier sin dia einziga Säugetier, wo Eier leggen. D Eier brüatens dervor öpa 10 Tag im Bütel us.