Am Morga wärdemr früah vom Wind gweckt. Sobalds windet ischs nüm so gmüatlich im Dachzelt. Au zMorgaessa dussa wär biz spannend worda, drum simmr de vorna is Restaurant ganga. Gstärcht fahremr gspannt und voller Vorfreud los richtig Uluru. Üsam Ziel nöchernd gsehmr a Berg und sind am werweissa, ob dass scho dr Uluru isch oder ni.😂 Doch üs chunt in Sinn, dassmr mol vomna markanta Mount Conner ufder Charta glesa hend. Einiges spöter chunt de dr richtig Uluru würklich zum Vorschih. Leider döfma döt nianend eifach Campa drum checkemr bim einziga Campingplatz für zwei Nächt i, essend zMittag und planend wasmr alles machend ida nöchschta Täg. Hüt fahremr no zuda Kata Tjuta und machend döt dr Walpa Gorge walk, gnüssend döt d Ruah und gönd den zur Sunset Picnic Area. Döt chochemr dr Znacht und luagend wärendem Essa dr Sunnauntergang.