_Wiehnachte weg vo de Famili_

Für mii isch Wiehnacht Familieziit. Weg zsii vo de Famili isch scho chli fremd gsii, i ha paar mol denkt, dass i etz eifach gern würd um de Christbaum sitze und erläbe wie eifach alli chli gmüetlich dehei sind. Mii beschäftigt z‘halte het gholfe, schöni Wiehnachte zverbringe au wiit weg vo minere Famili.

Am 23. Dezember
- Usschloofe
- De Nina en Chueche bsorge
- Geburtstagsfiir i üsem Lieblingsrestaurant „Naked Tiger“. Do hemmer etz scho einigi Geburtstäg gfiiret 😅

Am 24. Dezember
- Underwägs mit de Nana (Mir hend amel en Plan, aber endet denn eifach üsere Nasenoh zgoh. Mir hend Freud a allem wo mer neu entdecket)
- In Insadong hemmer en coole Souvenirlade entdeckt und denn au da spiralförmige Iichaufszentrum mit ganz villne herzige Handwerkläde.
- Denn simmer i da Kafi go Wiehnachtscherze esse.
- Wiehnachts-Znacht mit Nina, Lena und zwei anderne wo sich sozsege selber iiglade hend, schöö gmüetlich bi üüs i de Wohnig.

Am 25. Dezember
- Wiehnachtsbrunch und Wiehnachtsmarkt mit de Fatima
- Wiehnachtsznacht bi de Olivia dehei, woni nur sii und d Nina kenn, di andere sind alles neui Gsichter.
Da isch richtig schöö und gmüetlich aber au chli komisch wenn mer nur d Hälfti kennt.