_neui Reisebegleitig_

Underwägs bini momentan gad mit de Keyla 🇺🇸🇲🇽. Sie hani mol i de Chile kennglernt. Sisch super spannend mit ihre über d Bible, Gott & s Christsii zrede, üs beweged ähnlichi Theme. Mii beiidruckt ihri Absicht, wo immer sie anegoht en Sege zsii für d Lüüt um sie ume. Si isch mega bestrebt mit de Lüüt in Kontakt ztrette, wani uf de einte Siite cool find und mir uf de andere Siite mengmol chli ufdringlich vorchunnt.
I üsem Ustuusch merki, dassi glaub weniger fixi Vorstellige vo guet & schlecht ha wie sii und mit anderne Lebensistellige und Gwohnheite vom koreanische Volk nonchalant cha umgoh. Es isch mer glaub zu dem Ziitlunkt au eifach wichtiger z beobachte als z verändere.