_E schöni Überraschig_

I ha de Ort definitiv underschätzt. Wenni gwüsst het was do alles zgseh git, hetti definitiv meh Ziit iiplant. Für mii isch die Station meh en Zwüschestopp gsii uf em Wäg wieder uf s Festland zcho.

Di wunderschöö Schneelandschaft in Kombination mit em Meer isch würkli de Hit! S Guesthouse woni übernachte, isch ime alte Bankgebäude & isch super schöö. Es het einigi westlichi Baute, chli wie in Otaru aber wesentlich schöner findi. Es het e Gegend mit paar katholische Chirche und au zwei französischi Trappistechlöster do. I het mi gern chli i s Chirchelebe do inegeh, aber leider isch so under de Wuche nöd vill los, me het nöd emol chöne ine go luege.😢

De Charme do zieht zwor nöd vill westlich ussehendi Mensche aa, defür e anders bekannts Vökli - d Koreaner sind an Ort und Stell. Au wenns vilicht nöd gad di abentüürlichste Reisende sind, wüsseds ebe scho wos schöö isch. Mit ihrne Kameras stönds i de schönste Gasse & posed wie füre Modemagazin. S git au eifach mega schöni Föteli!

Nur scho s Umelaufe isch au eifach schöö do.