_Casinos, Formel 1 und chli Portugal_

Au wenn mir nur e paar Stunde Ziit in Macau verbrocht hend, hemmer de Charme vo Macau zgspüüre übercho. Casinos und di moderne Gebäude hend mi zwor weniger interessiert. Mii hend d Spure vo de Portugiese und vor allem de Jesuite sehr interessiert. Macau isch de Ort, wo d Jesuitemission in China gstartet het.

Macau isch jo so zsege s Tor zu China gsii. De Matteo Ricci, über ihn hani gad e Semesterarbeit gschribe gha, het sini China-Mission vo do uus gstartet. Siis ganze Läbe het er i de Dienst gstellt, meh oder weniger erfolgriich het ers schafft, sich als Europäer a di chinesisch Läbesart aazpasse & so de Weg bereitet, Kuriositäte, Wüsse und Weltbilder usztuusche.

D Überbliebsel vo de erbaute Chile und Gebäude, wo irgendwie chli a Rom erinneret, sind no immer z’gseh. De Rest findi irgendwie nöd sehr schö in Stand ghalte, au d Casinos wirked irgendwie chli in die Jahre gekommen.
Macau wirkt aber irgendwie meh „chinesisch“ wie etz Hongkong, vilicht au eifach chli weniger international hehe.