D‘Ussicht vo üsem Hotelzimmer in Salt Lake City.🌄 Mier sind wägem Jetlag früeh wach gsi. Sind denn grad go Zmorge ässe. Üs esch es super Zmorge versproche worde. Leider esch es denn aber doch ned so guet gsi. De Kaffee, d’Wafle und s‘Müesli sind ungeniessbar gsi. S‘Tost und Jogurt esch oke gsi.

Nachher simmer mit üsem Mietauto in Yellowstone gfahre.

Underwegs hemmer die wunderschöni Landschaft gnosse.☀️🏔️

Hend denn sogar no Bisons gspoted.🦬

Wo mer ahcho sind hemmer s‘Zelt ufgstellt. Das esch zimlich schnell gange.💪🏽😅 D‘Bärebox hemmer denn au no grad mit üsem ässe gfüllt.🐻 ich ha ehrlichgseid scho rächt grosse Reapekt vo dene.🙈

Mier sind denn no uf en chline Spaziergang zu deh Thumb Geyser Quellen. Es esch mega schön gsi. De Gruch esch weniger guet gsi. Es hed sehr nach Schwefel gschmökt😂. Hei hemmer denn nömme möge laufe und hend Autogstöpplet, es esch denn doch no witer gsi als dänkt und es esch au scho chli spot gsi.

Üses erste sälber kochte Znacht. Teigwaren mitere Pilzsauce. Und natürlich döf au do de Hüttenkäse ned fähle☺️. Fazit: Es esch fein gsi, aber en sälber gmachti Pilzsauce dihei esch besser.🙈