Üsi erst Nacht im Zelt. Ich ha ned so guet gschlafe (das knacke vo de Äst und s‘Rusche vo de Bäum esch chli beängstigend gsi🐻). Mier hend üs ih de Nacht au ned ufs WC getraut😂. Am Morge esch es denn no rächt chüel gsi, es esch gar ned so eifach gsi, de warmi Schlafsack s‘verloh.🙈😅

S‘hötige Zmorge esch mega fein gsi. Es hed Apfel-Zimt Porridge geh mit Vanille-Jogurt.😋

Höt hemmer deh erste Spaziergang gmacht. Mier sind mitem Auto zum Grand Prismatic Spring. Vo det us simmer zum erste view point.😊 Do hets no zimlich viel Lüth gha.

De Zweiti view point esch deh Wasserfall gsi. Deh esch wunderschön gsi☺️. Es hed au scho viel weniger Lüth gha, will mer doch öbbe 30min glaufe sind.

S‘Highlight esch die Imperial Geyser gsi, mit deh Wasserfontäne.☺️ Det hets den so zimlich gar kei Lüth meh gha.😊 Au das esch en Schwäfel Geyser gsi.

Grand Prismatic Geyser: Das esch deh grösst Geyser gsi, hed aber kei Wasserfontäne gha.😅 Sie esch au mega schön, aber will mer grad mitem Auto cha zuefahre zimlich überlaufe.🙈

Nachher hemmer no chorzi Flusswanderig zu de Lewis Falls gmacht. Die sind au sehr Ihdrücklich gsi.☺️

Bevor mier denn zrugg uf de Camping sind, hemmeg üs no schnell im Lewis Lake abküehlt.😊

Höt hets zum Znacht Gemüse-Teigware geh. Sind chli fad gsi, will mier ned so viel Gwürz hend aber susch sinds ned schlächt gsi.😅