Höt Morge simmer extra gli los, dass mier no en Parkplatz im Nationalpark inne chönd ergatere. Usserhalb zahlt mer nämlich 20$ für en Tag parkiere und dinne esch es gratis.😅 Mier hend Glück gha, es hed no gha aber nümm viel.🙈😅

Nachem Zmorge (das hemmer mitgno, dass mer ned no glinner hend mösse ufstoh) simmer uf en witere Trail. Deh esch ziemlich ufe gange und wo mer fasch dobe gsi sind esch es nomol so richtig steil s‘Loch uf.😅 d‘Ussicht esch mega schön gsi. Rächts und links hets Felswänd wo 300-500m abe gange sind.😊

(Deh letscht richtig steil Ahstieg.😂)

Ohni Aktion gaht bi üs nüt.😂😂 Mier hend no welle chli zrugg laufe richtig South entrance. Blöderwis sind denn ufem Horse Trail glandet und hend de falsch Abzwieger verwütsch und hend denn über deh Baustamm müesse, zum de Fluss z‘überquere.😂😂