Mier sind höt witer gfahre vom Zion Nationalpark zum Bryce Canyon Nationalpark. S‘Highlight uf de fahrt esch de Bryce Dors Tunnel gsi. Das esch en 29km langi Panoramastrass. Es esch ihdrücklich gsi, wie sich die Landschafte veränderet innert dere chorze Distantz (Zion ➡️ Bryce Canyon = ca. 145km).☺️

Wo mer ahcho sind hemmer denn zersch mal wieder s‘Zelt ufgstellt. Es esch schön wieder im Zelt z‘schlafe und ufem Camping si. De Camping esch chli gmüedlicher als s‘Hotelzimmer. Mier chönd besser nochli verusse si und dusse am Tisch Znacht ässe. Im Hotel hemmer amix im Bett gässe.😂😂

Mier sind ufem Sunset Campground. Deh esch im Nationalpark und mega nöch ah de Hoodoos (das sind die Felse im Canyon). Nachem Zmittag simmer los glaufe zu de Hoodoos und hend en Trail gmacht, wo mier ih Canyon abe glaufe sind und en Rundi gmacht hend.☺️😊

Und natürlich esch es alles was mer ih Canyon abe glaufe sind au wieder ufe gange.😂 Das esch denn doch no steil gsi.🙈😂 Aber es esch sehr schön gsi und het sich definitiv glohnt.☺️

Spöter simmer denn nomol metem Auto los und zu de natural bridge gfahre. Das esch es riese Loch im ne Fels vom Canyon. Das esch sehr ihdrücklich gsi.☺️

Zum Znacht hemmer es Risotto gamcht, das esch sehr fein gsi.😊