Nachem nächste süesse Zmorge hend mer eus vo Edinburgh verabschiedet und sind mitem Zug zu de Campervermietig gfahre. Das isch echt en zächi Sach gsi aaaaber schliesslich sind mer losdüset, mit Hunger go ichaufe (isch bekanntlich ja en gueti Idee drom hend mer jetzt whrs. grad für 2 Woche Lebesmittel😂) und denne in Perth go ässe wills scho spat gsi isch unds chli kanpp worde wär mit Koche etc. im Camper. Denne hend mer de ersti Nationalpark apeilt. Über en Panoramastrass hend mer nach 1.5h Braemer erreicht. S'einzige wo mer uf de Fahrt gseh hend sind 11 toti Tier uf de Strass gsi sowie 2 lebendigi schwarzi Chüeh wo fast au no uf üsi Strichliliste cho wärid. Defür sind mer morn umso gspannter wie denn d'Natur so isch😅. Das mit de Spontanität hani da ja chli welle üebe somit hend mer ohni Recherche en Camping apeilt wo bi Akunft am 21:30 bereits gschlosse gsi isch. Daher übernachted mer jetzt ufeme chline Schotterplatz (hani ja eig eh lieber welle). Hend de ersti schöni Sternehimmel chönne bestuune.

Erkenntnisse des Tages:
- 18:00 muesch bim Camping sie, süs lönds di nöm ine
- Tier lebed gfährlich do