Nachere chalte und windige Nacht sind mer (ich) früeh wach worde und denn bald witergfahre nach Breamer bi Sonneschiin. Hübsches chlises Dörfli inkl. Schlössli (wie chönnts anders sie in Schottland). Witer hend mer welle zum nächste Schloss(-park) wo denn jedoch gschlosse gsi isch nid wills vor de 10i gsi isch sondern die königlich Familie grad awesend isch. Naja... somit hend mer de Cairngorms Nationalpark wieder verlah, die nächsti Burgeuine a de Küste hed ja sowieso au no gwartet. Das isch also eeecht faszinierend gsi und hend s'erste mol kei Jacke bruche. Sgliche gilt für das wunderschöne Lighthouse zmitzt im Meer. Sind natürlich allei gsi wills scho knapp vor 18 Uhr gsi isch. Das mol hend mers besser aber gmacht und grad no en Stellplatz direkt am Meer ergatteret. Nachem X-te mol de Chopf aschloh im/am/um de Camper hend mer eus mittlerwile guet igläbt und de Abig mit Jokere verbracht (natürli hani verlore wie immer).

Erkenntnisse des Tages:
- vorem 10i muesch nüt welle unternäh (somit isch d'Spanni vo 10-18 Uhr)